Laus störf
Viltu vera í góðu liði?
Intrum á Íslandi er hluti alþjóðlega innheimtufyrirtækisins Intrum Justitia, sem er leiðandi fyrirtæki í Evrópu á sviði markvissrar stýringar viðskiptakrafna (Credit Management Services). Á heimsvísu meðhöndlar Intrum milljónir mála á hverju ári fyrir fyrirtæki og stofnanir. Um 3000 starfsmenn vinna hjá Intrum í 22 Evrópulöndum, en jafnframt hefur fyrirtækið yfir 120 umboðsskrifstofur víða um heim.
Hjá Intrum á Íslandi starfa u.þ.b. 150 starfsmenn um allt land. Intrum býður fyrirtækjum og stofnunum upp á heildarlausnir á sviði innheimtumála sem m.a. samanstanda af INKASSO, Kröfuvakt, Millilandainnheimtu, Lögfræðiinnheimtu, Vanskilaupplýsingum og VSK endurgreiðslu.
Notkun upplýsingatækni er ríkur þáttur í starfsemi Intrum og grundvöllur þeirrar hagræðingar sem fyrirtækið hefur innleitt í innheimtustarfsemi. Þannig býður Intrum viðskiptavinum sínum aðgang að öflugum viðskiptavef sem gerir þeim kleift að fylgjast betur með framgangi innheimtunnar.
Akureyri - Þjónustufulltrúi í lögheimtuvinnslu
Intrum á Íslandi leitar eftir þjónustufulltrúa í lögheimtuvinnslu fyrirtækisins á Akureyri.Meðal verkefna er almenn vinnsla mála í lögfræðiinnheimtu. Við leitum að skipulögðum, öguðum og talnaglöggum starfsmanni sem er nákvæmur í starf og hefur áhuga á að starfa sem hluti af öflugum hópi. Reynsla af innheimtustörfum eða ritarastörfum af lögfræðistofu æskileg.
Um 100% framtíðarstarf er að ræða.
Nánari upplýsingar veitir Sigurbjörg D Hjaltadóttir, ráðningarstjóri Intrum á Íslandi í síma 440 7122.
Sækið um með því að fylla út umsóknareyðublaðið og senda með viðeigandi viðhengi.
Umsóknarfrestur til og með 12. september.
Ráðgjafi - Fyrirtækjasvið
Intrum óskar eftir ráðgjafa á Fyrirtækjasvið. Í starfinu felst ráðgefandi sala á þjónustulausnum Intrum, samskipti við viðskiptavini, greining og ráðgjöf varðandi meðferð viðskiptakrafna, auk tilboðs-og samningagerða. Viðkomandi þarf að búa yfir söluhæfileikum, frumkvæði, jákvæðni og drifkrafti. Í starfinu reynir á sjálfstæð vinnubrögð og virka þáttöku í teymisvinnu. Krafa er gerð um reynslu af sambærilegum störfum og viðskiptafræðimenntun eða sambærileg gráða er kostur en ekki skilyrði. Um 100% framtíðarstarf er að ræða.Lögfræðingur - landsbyggðin
Við leitum að öflugum starfsmönnum til að taka þátt í uppbyggingu fyrirtækisins á Austulandi, Norðurlandi eystra, Norðurlandi vestra, Vesturlandi, Vestfjörðum, Suðurlandi og Suðurnesjum.Meðal verkefna eru ábyrgð á mætingum í héraðsdóma og málflutningur vegna innheimtumála. Umsjón og ábyrgð á framhaldssölum og samskipti við mætingaraðila. Við leitum eftir ákveðnum og drífandi einstaklingi sem er metnaðarfullur og sjálfstæður í starfi og býr yfir hæfileikum í samskiptum.
Ekki er um ákveðið starf að ræða heldur verið að leita almennt eftir umsóknum í störf hjá Lögheimtunni/Pacta.
Við biðjum þig að hafa samband við okkur og endurnýja umsókn þína ef þú heyrir ekki frá okkur vegna starfsins innan þriggja mánaða.
Lögmaður /lögfræðingur - Reykjavík
Við leitum að lögfræðingi, helst með lögmannsréttindi. Meðal verkefna eru ábyrgð á mætingum fyrir héraðsdómi, ráðgjöf og málflutningur. Umsjón og ábyrgð á fullnustugerðum og samskipti við mætingaraðila Við leitum eftir ákveðnum og drífandi einstaklingi sem er metnaðarfullur og sjálfsstæður í starfi og býr yfir hæfileikum í samskiptum. er um ákveðið starf að ræða heldur verið að leita almennt eftir umsóknum í störf hjá Lögheimtunni/Pacta.Við biðjum þig að hafa samband við okkur og endurnýja umsókn þína ef þú heyrir ekki frá okkur vegna starfsins innan þriggja mánaða.
- © Intrum á Íslandi
- Sími: 440 7000
- Þjónustuver greiðenda: 440 7700
- Fyrirtækjaþjónusta: 440 7777
- Afgreiðslutími 9-16